ماتت شعر /حسني السباعي
ماتت إللي بحبها
ومات في قلبي حبها
م النهاردة هيا ماتت
و ح أبتدي من بعدها
ماتت إللي بحبها
***********************************************************
قلبي مش قابل عزاها
عمري كله ضاع معاها
قلبي ندم على حبه ليها
قلبي ياما داق أذاها
ما القساوة ف طبعها
ماتت إللي بحبها
***********************************************************
ح ابتدي لوحدي اعيش
بعدها مايهمنيش
ياما ناس قبليها ماتوا
ما الحياة مابتنتهيش
ولازم أبدأ بعدها
ماتت إللي بحبها
***********************************************************
رغم موتها أنا مش حزين
عذبتني بالسنين
موتها كان أجمل نهاية
رايح أعيش أجمل يومين
السعادة ف بعدها
ماتت إللي بحبها
***********************************************************
مش ح أقول عنها حبيبة
الحبيبة تكون قريبة
تعشق الدنيا ف حبيبها
بس هيا كانت غريبة
ولا عشت ف قلبها
ماتت اللي بحبها
***********************************************************
عمري ما أترحم عليها
عشت عمري كله ليها
كل قسوتها وعنادها
وشرها باين ف عينيها
والعقاب من ربها
ماتت إللي بحبها
***********************************************************
موتها عندي ماعدش فارق
ماحنا عايشين ف المفارق
عذبتني ف النهاية
واختارت تبعد تفارق
موتها خفف همها
ماتت إللي بحبها
***********************************************************
لسة عايشة بس ماتت
من مواقفها اللي فاتت
ما الحياة والموت مواقف
وهيا مواقفها اللي زادت
ياما عانيت غدرها
ماتت إللي بحبها
