إنتي عارفة شعر/حسني السباعي إنتي عارفة قد إيه قد إيه مشتاق إليكي ما إنتي أول حب ليا نفسي أتوه ف بحور عنيكي إنتي إللي إختارها قلبي وعشت عمري كله ليكي وإحنا لسة زي ما إحنا واللي عدى إسمه محنة ياللا ننسى ونصفى تاني نفسي حد كدا يصالحنا كنت فاكر إني بعدك رايح أفرح رايح أعيش كنت حاسس إن بعدك أي تأثير ليه مفيش كل دا كان وهم مني وهم زيه ماتلاقيش كنت فاكر لما أسيبك الهموم يمكن تسيبني يمكن أضحك يمكن أفرح والحياة كدا ح تصاحبني كله كدب وكله غيرة بعدك إنتي كله حيرة الحياة كدا بتعاندني والهموم كدا بتطاردني والجراح عمال بتسأل لجل ما يوماتي تزيدني الدموع ساكنة ف عيوني والعوازل بيلموني بس باعترف إن حبك هوا من أسباب جنوني
