خبي شعر/حسني السباعي خبي دمعك جوا قلبك واللي باعك قوله باي قوله مش عايز اشوفك حل وابعد عن سماي أوعى تحزن يوم عليه بس فكر ف إللي جاي افتكرله كل قسوة وأنت راح تنساه أكيد افتكر هوا إللي باعك إفتكر وإبعد بعيد أوعى تندم ع إللي راح ماللي راح مليان جراح ولو في مرة حب يجيلك قوله ماضي وكله راح إنساه وإنسى ذكرياته سيبه للهم ف حياته بكرة راح يحزن ويندم بكرة يندم ع إللي فاته أوعى تأمن للتعالب طبعهم ف الغدر غالب زي ديل الكلب مهما يربطوا في الديل دا قالب طبعهم طبع الخيانة والأمان مالهوش مكانة يبقى ناوي يبيع ويغدر و ف طريقه ماشي معانا خايف تقول غصب عني هوا حبي وحتة مني قلبي حبه ومش ناسيه رغم إنه كتير ظلمني يبقى تستاهل قساوته عمره ما يغير عداوته بجد تستاهل ياصاحبي ما انت مش ناسي غلاوته إللي باعك أوعى تاني تشتريه اوعى تضعف او تفكر تاني فيه أو تصدق إنه نادم أو في يوم تحن ليه إللي باعك سهل يبيعك مرة تانية سهل يخونك سهل يغدر بيك في ثانية سهل يقولك يلا باي هوا غدار زي دنيا
