كان زمان شعر... حسني السباعي كان زمان الكل طيب كله يفهم في الأصول كله بيطبق في دينه ويا سنة الرسول كان زمان كله بيفهم والكبير عنده الحلول بعد حكمه كله يسكت بعد منه مين يقول كان زمان كان زمان الست دايما ع اللسان نعم وحاضر اما ستات اليومين دول كل يوم تفتح محاضر بعد أحلى سنين وعشرة ييجي منها سهم غادر عمرها ماتكبر لحد أو تشتري لكبيرها خاطر كان زمان لما حد كان يزورك كان يراعي حرمتك انت تختار فين ح يقعد وهوا يسمع كلمتك عمره مايقول لفظ جارح أو يعكر صفوتك جاي يتكلم معاك كله يبقى برغبتك كان زمان كان زمان الود باين والصحاب مافيهومش خاين كله كان للغير يضحي كله كان للعهد صاين كان زمان عمر ما واحدة تزور صاحبة ليها وجوزها قاعد عيب عليها وأي عيبة مين على الغلط يساعد كان زمان لما جارنا عنده ميتم كنا نقفل راديوهاتنا كنا نتفرغ عشانه هيا دي كانت حياتنا كنا جنبه بنواسيه دي أصولنا ودي عاداتنا كان زمان كان زمان الجار يدافع عن جيرانه ولو بروحه والجيران كانوا معاه يخففوا عنه جروحه والشباب ع الناصية واقف عمره مايعاكس جيرانه ولو في لحظة الجار ناداله يضحي بالغالي عشانه عمر جاره ماعاش في هم ولا حد ف يوم أهانه كان زمان عيبة لما الصوت بيعلا وأنت قدام الكبير او تمدد وهوا قاعد تبقى عيبة وشيء خطير كان زمان كل أخ يحب أخوه عمره ما فكر في يوم منه يغير كان زمان كان الفرح بيأجلوه لو حد مات من حتتك ولو فيه مناسبةعند جارك تستضيف أهله وناسه ف شقتك ولو يوم وقعت فيه ف مشكلة ح تلاقي جارك عزوتك بس دا كله كان وكان كله ولى وكان زمان كان زمان كان زمان والله يرحم أيام زمان
