في لحظة ضعف شعر /حسني السباعي في لحظة ضعف مني لقيتني غصب عني بافكر تاني فيكي وبرغم البعد عنك ليكي باحلف بإنك حياتي بتحلى بيكي ولا قادر إني أقسى أو إني ف لحظة أنسى باتوه ف بحور عنيكي مهما طول عنادنا مهما عانينا ف بعادنا أنا برضه مش ناسيكي ولا ناسي ذكرياتي مانتي كنتي ف حياتي فرحة وقلبي قاريكي يحلالي أجيب ف سيرتك ولو تهتي أكون سفينتك وحياتي عايشها ليكي رغم نهاية غرامنا وموت حروف كلامنا فاكر لمسة إيديكي في لحظة ضعف مني أنا المجروح بأغني مجروح نفسه يداويكي لو يوم فكرت أبعد ألاقي القلب يعند وأنادي بشوق عليكي قلبي دا بيعاندني ولا عاد تاني يساندني باعني ودا مشتريكي قلبي سابني عشانك يتمنى يكون مكانك قلبي نفسه يراضيكي يحزن لو يوم حزنتي حبك كدا زي ما إنتي هيمان في حبه ليكي عايزك من غير دموع من غير ذل وخضوع و ف حزنك بيواسيكي قلبي وياكي ضاع عايش بينا ف صراع ليل ونهار بيناديكي عمري وروحي فداكي قلبي دايما معاكي وأعادي إللي يعاديكي معدشي ليا سيرة غير سيرتك يا أميرة قلبي ميال إليكي راح أعيش ع الذكريات وعلى كل إللي فات وقلبي أمانة ف إيديكي
