تصدقي شعر/حسني السباعي تصدقي ماتصدقيش إنتي خلاص ماتهمنيش قبل منك كنت عايش وبعدك منك رايح اعيش تصدقي ماتصدقيش طلعتي خاينة للوعود وليكي تاني مش ح أعود حتى لو كنتي الوحيدة إللي باقية ف الوجود غدرك إنتي مايتنسيش تصدقي ما تصدقيش نادم إني ف يوم عرفتك كان ياريتني ف يوم ماشفتك ولو زماني تاني يرجع كنت في ساعتها خالفتك أصل أنا ما بحبكيش تصدقي ما تصدقيش عمرك إنتي ما حبيتيني أو في لحظة إتمنيتيني م البداية وإنتي بايعة فجأة قررتي تسيبيني والضمير عندك مفيش تصدقي ماتصدقيش غلطة وأنا بادفع تمنها اللي بيعت الناس عشانها وهيا ليا ف لحظة خانت وقلبي عمره ف يوم ماخانها بس تاني ماترجعيش تصدقي ما تصدقيش ذكرياتي خلاص نسيتها وقصتي معاكي محيتها وابتديت رحلة جديدة وقصتك دي خلاص نهيتها قصة تاني ما تبتديش تصدقي ما تصدقيش ليل نهار بأدعي عليكي يسكن الهم ف عنيكي تبقى عايشة تتمني موتك نفسك الموت يناديكي بس كل دا مايساويش كل كره الدنيا ليكي كره عمره ما ينتهيش تصدقي ماتصدقيش
