مع السلامة شعر/حسني السباعي
مع السلامة يا إللي عشقتك
مع السلامة قلبي داعيلك
ندمان على إني عرفتك
أنا عمري تاني ما ح أجيلك
ضاعت معاك أحلى سنيني
والدمعة مرسومة ف عيني
الفرحة خاصمتني عشانك
وسابتني ولا راضية تجيني
لما أنت قررت تبيعني
من غير ما حتى تودعني
شغلتني من الأول ليه
لما إنت ناوي تخدعني
ولا عمري تاني ح أناديلك
مع السلامة قلبي داعيلك
***********************************************************
من البداية وانت ناويها
علاقتنا يوم راح تنهيها
وعرفت انك تخدعني
وقصة ضاعت حكاويها
غدار وبايع لضميرك
طول عمري وانا قلبي أسيرك
قلبي خلاص قرب ينساك
وبكرة راح يعشق غيرك
و ح أنسى ملامحك وتفاصيلك
مع السلامة قلبي داعيلك
***********************************************************
معدشي ليك ف القلب رصيد
خلاص نويت انا ح أبقى بعيد
البعد عنك فيه مكسب
ح ابدأ خلاص أنا عهد جديد
كل الوعود بنا نسيتها
وكل الخطوط إتعديتها
وبعت أيامنا الحلوة
وأحلى قصة إنت نهيتها
وإنت من المولى يا ويلك
مع السلامة قلبي داعيلك
