أعمل إيه شعر/حسني السباعي أعمل إيه علشان أخليك تحس بيا وتعشقني تفضل معايا وجوايا ولا حد منك يسرقني من يوم ماشفتك حبيتك ونار مشاعري بتحرقني أحلف بإيه إن أنا عاشقك وإزاي وإمتى تصدقني ولو غرقت ف بحر العشق مين غيرك إنت ح يلحقني سنين كتير وأنا مستني تيجي في يوم تسأل عني مستني منك لو نظرة ساعتها ح أرقص وأغني ساعتها ح أبقى ف حلم جميل ولا عايز إللي يفوقني أعمل إيه علشان أخليك تحس بيا وتعشقني إنت عشقي ونصيبي ولا ليا غيرك يا حبيبي لو غبت شمسي معاك ح تغيب وأقول لدنيتي ما تغيبي حياتي مالهاش قيمة بعدك ولا عندي طاقة ولا عزيمة عايش وتايه ف الدنيا قصتنا ولا قصص السيما بأحلم أكون ف الكون ضلك ولا حد عنك يفرقني أعمل إيه علشان أخليك تحس بيا وتعشقني ياعشقي خليني معشوقك بأحلف بأخلاقك وذوقك في دنيتي ماشفتش زيك و ف جمالك مين يفوقك عايش معاك ف أحلامي وشايفك يوماتي قدامي عمرك ما غبت ف يوم عني يا سر فرحي وغرامي أنا نفسي لو يوم راح أجيلك وألاقيك بفرحة تسبقني أعملك إيه علشان أخليك تحس بيا وتعشقني
