عكازي شعر /حسني السباعي
عكازي إللى ف قلبي ساكن
وإللي شالني ف قلبه ياما
هوا بس إللي ف حياتي
وإللي ساب جواي علامة
ياما خفف من عذابي
وياما رسملي إبتسامة
ولو في مرة وقعت منه
كان يعيش اليوم ملامة
ياما شاف أحزان عشاني
عمره ما ف يوم جه وأذاني
ياما صبرني ووساني
ناقصه قلب ويبقى فوق كل البشر
***********************************************************
ولا لحظة إتخلى عني
ولا خدله جنب مني
ولا حسسني بإني
فيا نقص وليه أثر
وهوا من همي إتكسر
***********************************************************
إتصاحبنا وإحنا لسة صغيرين
عمره ما ف يوم غاب وسابني
مهما مرت السنين
عكازي طول عمره شايلني
عمره ما ف يوم جه وسألني
إمتى راح يستغنى عني
عمره ما رسملي الأنين
قلبه م الحزن إتعصر
************************************************************
عاش معايا ذكرياتي
حلوها ومرها
هوا أجمل ما ف حياتي
وإللي علا قدرها
عمره ما حسسني إني
في الحياة ناقصني حاجة
هوا من أسرار نجاحي
جد مالهوش ف السذاجة
ياما راهن الكون عليا
و ف رهانه إنتصر
************************************************************
مهما أقول عنه ف حياتي
عكازي دا حبي الوحيد
إللى عمره ما سابني لحظة
ولا كان عني بعيد
وإللي دايما بيراضيني ويواسيني
وإللى خلى قلبى دايما بيه سعيد
وإللي شاف قصة كفاحي
وإللي شاركني نجاحي
هوا عكاز بس قلبه
قلبه ناعم مش حجر
