الأب شعر/حسني السباعي الأب دا نعمة بس إللي يقدرها بقيمتهاماتحسش غير لما تخسرها طول عمره وبيدي ولا يوم طلب منك دايما كدا محاوطك ولا يوم بعد عنك يتعب عشان ترتاح ويشقى علشانك سعادته في سعادتك وإنت ولا ف بالك بكرة إنت ح تجرب وتشوفه ف عيالك إعمل كمان وإعمل إعمل مابدالك وكما تدين ح تدان وتروح من الديان على فين وإيه حالك أوعاك تزعل أبوك هوا إللي باقيلك لو يوم رضي عنك على طول ح يدعيلك ولو يوم غضب منك ف الآخرة ياويلك لو لسة أبوك عايش حبحب في مركوبه ولو كان رحل عنك شمشم ريحة توبه وادعيله بالرحمة وكونله عمل صالح حسناته من عملك أوعاك تكون جارح أوعى يغيب عنك وأوعاك تكون نساي مين ينسى أبوه لحظة مين ينسى بس إزاي ومهما الولد يعمل ما يوفي حق أبوه نفسه أبوه يرجع لو عمره حتى خدوه أبوه دا عمره ماكان ف الدنيا دي لوه زي حنية طيبة وحب هوا الهوا والضي يتمنى لو يرجع ويقعد معاه شوي يحكي يفضفضله ويخفف همومه وساعة الخطر يحميه من جوا ف هدومه واللي أبوه عايش باركله فيه واحميه واللي أبوه سابه ف الآخرة كدا تراضيه أعلى الجنان يسكن والحور من حواليه ويعوضه ربي وسيدنا النبي يسقيه.
