رمز النقص شعر/حسني السباعي راجل لابس بدلة رقص رمز الخسة ورمز النقص عمره ماكانله قيمة في حياتنا كل حياته هجص ف هجص علم بلادنا ليه ياخسيس عايز تهينه ليه يارخيص دايما فنك هابط زيك كل إللي بتعمله دا خبيث قابل على نفسك دا براحتك كل الجيل يشهد بوقاحتك بتبيع نفسك لجل المال كارهينك وكارهين قنزحتك علم بلادنا أشرف منك رمز العزة بيشهد إنك صعب تكون في زمانا راجل شوف كام واحد ضاعوا بفنك فنك هابط ومالوش معنى لا ف تمثيل ولا حتى ف مغنى كل كلامك مالهوش قيمة خبط ورزع إللي مصدعنا وإزاي تبقى نمبر وان وإنت مثل سيء للفن فنك ضيع جيل بحاله إنت حقيقي لا تؤتمن إنت مثل سيء لبلادي ليك تأثير مؤذي على ولادي مين ح يجيبلي منك حقي ليل ونهار وأنا لسة بأنادي مش عايزينه قولولوا كفاية شوف كام جيل حطيتله نهاية كله بقى بلطجي وعنيف ما انت بطل سيء ف رواية ذنب الأجيال دي ف رقبتك كله بقى يشبهك ف خيبتك وأنت فاكر نفسك فنان كل شبابنا ضحايا مصيبتك وأنتوا ياشباب كدا يكفاكم دا مش المثل الأعلى معاكم في قدامكم غيره كتييير أصحاب نجاحات علو سماكم
