ذوي الهمم شعر/حسني السباعي ذوي الهمم مين يسندهم و ف حقهم ح يأيدهم مين إللي ح يكون عون ليهم ويقدر بجد كدا يفيدهم ياخسارة حاسين بالتهميش وحقهم تاني ليه مايجيش وكل يوم فيه إستغاثات لكن حلول عملية مفيش ذوي الهمم ليه نتعبهم وقوانين عقيمة تعذبهم ياريت تحسوا بأوجاعهم وتعملوا حاجة تعجبهم ذوي الهمم دولا مش ناقصين وقلبهم مكسور وحزين ولاحد حس بأوجاعهم وهمهم يشكوه لمين لافي قانون كدا ينصفهم مين ف البلددي يعرفهم ياحكومة ليه قاسية عليهم قوانين غريبة بتنسفهم ذوي الهمم دولا مظاليم بيحلموا يعيشوا في نعيم ماتفوقوا كدا من أوهامكم مكتوب عليكوا تعيشوا في جحيم إللي إستغاثوا نصفتوهم وذوي الهمم ظلمتوهم ماهما برضو بني آدمين ياريتكوا مرة تغيثوهم واخدين مواقف مننا ليه ياريت تقولوا ذنبنا إيه كفاية عايشين بظروفنا يا حكومة واقفة ضدنا ليه؟ ياحكومة إديلنا حقوقنا من العذاب كتير دوقنا ومين في يوم راح يراضينا وحب البلددي ف عروقنا
