جات الحزينة شعر/حسني السباعي جات الحزينة تفرح مالقيتلهاش مطرح ماهو كله بيمثل على خشبة المسرح كله بقى مهموم والحزن بقى بالكوم دايم بقاله سنين والفرحة يادوب كام يوم الفرح مات بدري وأحزاني على صدري كاتمة ومش بتروح وصابرة على قدري سألوا الحزينة مالك إحكيلنا عن حالك لو ح أحكي راح أقول إيه ماطريقي كله مهالك الحزن عمره ماسابني والوهم دا معذبني شجر الأمل ماطرحش واليأس دا مصاحبني حلمي خلاص إتهد قصة عذابي بجد ولافي قلوب بتحس ف عنيهم قريت الصد يا حزينة إيه آخرتها حاولت تشيل دمعتها نزلت دموع ع الخد قالت ماعنديش رد سألوا الحزينة ع الحظ قالت ياريت يتعز سوء التفاهم بينا خلى الثقة تتهز بيني وبين الحظ أصبح طريق مسدود وإللي إتكسر بينا عمره ما تاني يعود يا حزينة ما كفاية الحزن لييه نهاية نفسي أشوف فرحة ومعاها ضحكاية خلي الأمل ف الرب قادر يزيح الكرب صالحي الحياة وعيشي ماحناش بقينا ف حرب قالت الحزينة الحزن هوا إللي باقيلي إسمي على إسمه حزينة أنا وجيلي مهما أحاول أفرح فرحي مالوش مطرح ع الوهم أنا عايشة و ف الحزن أنا بأسرح
