المدرس كان زمان..شعر/حسني السباعي كان زمان ياما كان المدرس ليه احترام كنت لما تشوفه تضرب الف مية مليون سلام كان مثل اعلي وقدوة كان دليلك للأمام كان شعاره إنه شمعة بتتحرق تمحي الظلام كنت تفهم من عيونه قبل ما يقول الكلام أياميها كان مربي بيبعدك عن الحرام وبإيديه يرسم طريقك بالمحبة والوئام عمره ما ف يوم باع ضميره أو ضميره ف لحظة نام كان يقول كل إللي عنده كان جدع آخر تمام عمره ما حسبها بآلة راح يكون ف جيبه كام التلامذة كانوا ولاده بيقابلهم بإبتسام لويطولوا يبوسوا إيده هوا أبوهم او أخوهم الهمام عمره ما في الفصل كشر او شتم أو حتي لام حبه كان مالهوش حدود يوصفوه شعرا الغرام كان قنوع وبدخله راضي كل ده بفضل النظام كان بسيط زي الحياة كان مثال للإلتزام عمره ما الرأي ف بلدنا ناحيته كان في إنقسام ضاعت الهيبة ف زمانا وادفنا كما النعام إضربنا وإتشتمنا و ف مشاكل كل عام و ف زمانا بقينا مافيا واتكرهنا من الأنام جوا كل الناس مشاعر ضدنا هجر وخصام نفسهم لو يرجمونا ضدنا عملوا إعتصام بعد ما قولت إللي عندي ياريت تسيبوني أنام يمكن أحلم إن زمني رجع زمان لما كان ليا إحترام لما كنت أفخر بإني أنا المعلم والمربي والموجه للكلام صوت ضميري لاقيته قالي........كان زمان لما كان المدرس ليه احترام
