أبوك شعر… حسني السباعي
كان زمان الزوجة عاقلة
تفضل تعلم ولدها
حتة اللحمة الكبيرة يستاهلها بوق أبوك
أصل أبوك شقيان علينا
تعبه ف الدنيادي لينا
هوا بس إللي شاريك مهما كل الناس باعوك
أوعى قدامه يعلى صوتك
طول وجوده الزم سكوتك
هوا دا سندك وضهرك مهما كل الناس فاتوك
ح تلاقيه بيخاف عليك
ضحكته باينة ف عنيك
ح تلاقيه قلب مخلص لو في لحظة الناس خانوك
كون حنين وكون صيور
خليه دايما بيك فخور
لما إسمه جنب اسمك بيهم الناس بينادوك
يا ابني أبوك حاجة كبيرة لازم أنت تحس بيها
أوعى يا ابني ف يوم تعارضه ف أي كلمة يقول عليها
إنت من غيره ما تساويش
وأنت زيه ما تلاقيش
حد بيضحي عشانك وأنت من غيره يدهسوك
يا ابني أبوك العدل نفسه ح تلاقيه واقف معاك لما غيره يظلموك
الوحيد إللي بيفرح لما تبقى أعلى منه هوا أبوك
واللي يتملى بملامحك
واللي لما تغلط يسامحك برضه أبوك
أنت من غيره تضيع
يا ابني دا احساس فظيع
إنت مش ح تحس قيمته غير لما يوم يموت ابوك
