سراب شعر/حسني السباعي بجد بجد واحشاني ومش عارف أقولها إزاي أنا م الهم وحداني و م الأحزان بقيت نساي أنسى الكل وأنساني لكن إنتي إللي عايشة معاي عايشة ف قلبي وكياني خسارة إنتي إللي نسياني حلمت بحلم مش قده ومن يومها وأنا بأعاني وبأستنى سراب مش جاي أنا عايش أكيد بيكي بأشوف الفرحة بعنيكي ياريت قلبك يكون ليا ويبقالي أمل فيكي ياريتك تسمعي لنداي ليل ونهار بأناديكي وبأنسى همومي ف عنيكي أنا عايش علشانك وعايش دنيتي ليكي ورامي الماضي كله وراي ومش عارف أقولهاك ياريت آجي على بالك صورتك مرسومة ف قلبي وقلبي ياما غنالك وعزف أحزان كتير ع الناي قلبي عاشق الأوهام حياته معاكي ف الأحلام وحبه ليكي وهم كبير ورافض كلمة إستسلام ويمكن يوم تحسي هواي إحساسك بقلبي محال وأنا قابل أكون رحال وعلى أوهامي ناوي أعيش وباقي العمر على دا الحال ولما أعيا تكوني دواي
