حبيب شعر/حسني السباعي حبيب وماشي بيدلع مع بنت الايه متنشي قوي كده وملمع و ف جيبه جنيه عاملي فيها الواد روميو على خيبة إيه وهوا ناسي أبوه راجل على قده فقير عنده من الأولاد دستة والدخل قليل وهيا مسحوبة ف ايده تفتكره أمير ضحك عليها بكام كلمة لقطهم من فيلم وهيا طبعا مسكينة ولا عندها علم فهمها إنه باباه باشا صاحب عقارات في كل بنك شايل ياما غير العمارات جوليت دي طبعا مخدوعة بروميو الهيات مسكينة جوليت مخدوعة بروميو الفشار عامللها البحر طحينة والليل دا نهار عاملي فيها بسلامته كازانوفا جديد عمال بيصطاد وبصيده فرحان وسعيد قولي يا روميو لو أختك صبحت جوليت مع روميو زيك إيه رأيك ح يكون ف البيت أكيد ح تزعل وتزعق وتقول ياريت ماعرفت كده بنات تاني توبت وصليت
