تعبنا شعر/حسني السباعي كفاية يا دموعنا تعبنا ومين يخفف متاعبنا أيام زمان مين يرجعها يا هم ما كفاية وسيبنا كفاية يا دموعنا تعبنا أيام زمان كلها أفراح ولاكانشي فيها أي جراح ولما كنا زمان بننام ضميرنا يومها كان مرتاح ولا كان في حاجة بتعذبنا كفاية يا دموعنا تعبنا كانت القلوب كلها صافية مشاعرنا يومها كانت دافية كانت الجيران لبعضيها حب ومودة مش عافية مش لازم يكونوا قرايبنا كفاية يا دموعنا تعبنا أيام زمان مش راح ترجع يا همومي ليه محوطاني الفرح من تاني راح يرجع لو الشباب يرجع تاني أهالينا شالوا هم بدالنا وحلموا زينا وعشانا ولإمتى وقفوا في طريقنا وجابولنا كل ما نتمنى وبيقولوا العيب مش عيبنا كفاية يا دموعنا تعبنا وأهلي ياما تعبوا عشاني علشان ما أشوفشي أحزاني تعبوا وشقيوا وياما ضحوا عشان ما اجيش لحظة وأعاني ولا حد تاني راح يعاتبنا كفاية يا دموعنا تعبنا
