الحلقة 32 من كتاب شهداء الواجب في حرب مصر ضد الارهاب
الشهيد البطل الرائد أحمد عمر الشبراوي(أسد الصاعقة)
توثيق د. احمذ علي عطية الله
أبن بار من أبناء مصر البررة بسلاح الصاعقة المصرية رئيس عمليات كتيبة الصاعقة التى كان يقودها الشهيد عقيد أحمد صابر منسى بشمال سيناء وهومن ورد اسمه بنشيد الصاعقة ” قالوا أيه علينا دولا قالوا أيه؟ الشبراوى وحسين عرسان قالوا نموت ولا يدخل مصر خسيس وجبان..وقالوا إيه؟
ومن أحد البرامج الفضائية التى اذيعت عنه ..
قال عنه أحد زملائه بسيناء : من أكفأ الضباط اللى عملوا معانا فى سيناء.. بمجرد انتقاله الى الكتيبة وبعد أيام قليلة جداً بدأ معنا فى تنفيذ المهام ..
قالت عنه والدته : كان طموحا يريد أن يفعل الأفضل دائما..
قال عنه والده الأستاذ عمر الشبراوى وكيل أول وزارة بالجهاز المركزى للمحاسبات : بعد الثانوية العامة التحق بكلية التجارة لمدة عام .. ولكن فى العام التالى أصر على دخول الكلية الحربية .. وفى الكلية الحربية أصر ان يكون بسلاح الصاعقة ..
قالت عنه زوجته : لما اتنقل سينا على قد ماكنت قلقنة عليه الا انى كنت بأقول له انى فخورة به .. وعلاقته كانت بابنه عمر كانت علاقة صداقة اكثر منها علاقة اب بأبنه كان تقريبا بينزل اجازة علشانه..
من احدى مكالماته التليفونية مع ابنه عمر
عمر: بابا.. أنت جاى بكرة
البطل: كل سنة وأنت طيب ياحبيبى أنا لما آجى حا اعمل لك حفلة كبيرة خالص أجيب لك تورتة كبيرة علشان نفرح كلنا ونقول لك كل سنة وأنت طيب ياعمر ماشى؟..
عمر: كل سنة وأنت طيب يابابا .. ميرسى ..
وتقول والدته : فى يوم كان راجع من العريش اجازته ويادوب لسه داخل سمه خبر استشهاد أحد قادته ..
وتكمل زوجته: قال لى أنا راجع لازم ناخد بثار الشهيد .. انتى ما تعرفيش اللى استشهد ده مين ..
ويكمل زميله : كان عنده اصرار وثبات بدرجة عالية جدا وكان بينقل الاصرار والثبات والهدوء لكل زمايله أثناء تنفيذ المهام ..
وفى تسجيل مرئى بالصوت والصورة من تنفيذ إدارة الشئون المعنوية للبطل الشهيد وهو يلقن مرؤسيه المصطفين أمام مركباتهم العسكرية بكامل التسليح مهامهم القتالية يقول (بكل حماس) : اتكلفنا يارجالة بمهمة إن إحنا نخش مناطق بؤر إراهبية جديدة .. إن شاء الله إحنا على عهدنا إننا نجيب حق كل شهيد على أرض سيناء .. ونمسح دمعة كل أم ونجيب حقهم إن شاء الله .. ثم يدعو الله ويردد الجنود خلفه
