أكبر غلطة شعر/حسني السباعي أكبر غلطة أنا عايش فيها لما غلطت ف يوم واخترتك غلطة ولازم رايح أداويها أكبر مكسب إني خسرتك يومها خت قرار مجنون وحسيت إني ملكت الكون ورسمتلك بأوهامي صورة واتهيألي عاشق بجنون لكن فعلاً كانت غلطة غلطة بأسدد فيها سنين قلبي بقى مكسور وحزين عاشق للترحال والوحدة بيحلم يهرب بس لفين فعلاً كانت أكبر غلطة يومها لبستي قناع الطيبة وحسستيني بأغلى حبيبة بعد شوية حقيقتك بانت وإتبدلتي بواحدة غريبة عشت سنين مخدوع بكلامك عشت مصدق وهم غرامك كنت راسملك صورة في خيالي لكن فقت أنا من أوهامك وفعلاً كانت أكبر غلطة غلطة ولازم راح أصححها ونفسي بعد جراح أفرحها وآخد حقي وأرد كرامتي لما كرامتك يوم أجرحها آه لو عمري يرجع تاني عمري ما أفكر تاني أختارك آه لو يرجع بيا زماني رايح أحكيله على أسرارك رايح أوصفله غدرك وجرحك وجبروتك وسوء أفكارك وإزاي بعد العشرة غدرتي وإزاي بعتي وإستكبرتي وعايشة ف إنك إنتي ضحية وإتعذبتي وياما صبرتي بكرة ح آقابلك عند المولى بكرة ح تجني ثمار ما زرعتي أنا ندمان على إني عرفتك وحزين على إني ف يوم شفتك وفعلاً كانت أكبر غلطة
