أبويا إللي أبقالي شعر/حسني السباعي سايبني لمين ووصيته من بعدك ياخد باله مين غيرك يواسيني ويضحي براحة باله يحس بهمي من قبلي وأنا باستنى ف وصاله ينسى الدنيا ويبيعها عشان يضحي بأحواله سايبني لمين يابا قولي يومين الغيبة ليه طالوا قلبي حزين من بعدك ماعدش خلاص يهناله مين يابا إللي وصيته يشقر وييجي يراعيني ومين يقدر في يوم زيك لو انجرحت يداويني ولو يوم فيه أنا كليت أو مليت تسيب الدنيا وتجيني ولو يوم فيه بكيت لحظة ألاقي عنيك تراضيني ولو مرة تعبت تشيل تشيل همي وتحييني ولما ب أتوه في أحزاني ألاقي عنيك تناديني معدشي يابا فيه ليا حد يبص ف عنيا ويسألني على حالي وإيه غير في احوالي معدشي في حد يدعيلي ولا يسألني إيه مالي محدش يابا فيه زيك ولا ف مرضي في يوم جالي أنا ب أحلم في يوم أرحل عن الدنيا عشان إنت إللي أبقالي
