صدر الحكم رثاء/حسني السباعي صدر الحكم ولازم يتنفذ كله لازم يموت م الجوع كل العالم أعلن رفضه كله بقى ف حزن وموجوع قطعوا لسانا ماعدناش ننطق وصوتنا معدشي خلاص مسموع ولا حقنا نشجب ونندد ولا ف عنينا رسمنا دموع هانت غزة وهان أطفالها نفسنا نعرف إيه الموضوع يمكن ماسكين ذلة علينا علشان نرضى بأي خضوع شكلها غزة خلاص كدا راحت واللي يروح تاني مالو رجوع أصلي العربي مالهوش دية و ف التصنيف واطي وجربوع عمر العربي ما كان بني آدم ولا لييه ف التصنيف والنوع عاملين العريي دا لعبتهم لعبة تروح شمال ويمين لعبة صماء ما بتنطقشي غير حاضر بس وآمين وسكتنا على دم اخواتنا في بلدنا التانية فلسطين وأهي غزة قدامنا تباد وحكامنا راضيين وساكتين ماهو كله خايف ع الكرسي بإيديهم جامد ماسكين دول مساكين بايعين آخرتهم ولدنيتهم كدا شاريين دول ناسيين في حساب ومحاكمة بكرة يروحوا من ربنا فين لما يسألهم على غزة و ع الدم العربي المسكين ح يقولوا دا بريق السلطة وعلى سيبها ماحناش قادرين ربنا يومها راح يحاسبهم علشان تاجروا بإسم الدين يومها لا ينفع مال ولا جاه أصل القاضي رب العالمين
