صرخة أم بطلب استغاثه من وزارة الداخلية
متابعة د شيماء عراقي
علشان حق بنتى يرجع بنتي طالبه في تانية إعدادى مدرسه عثمان احمد عثمان شارع الهرم الرئيسي عملت مشكله بسيطه جدا مع طالبه معاها في المدرسه مفيهاش ايه اصابات الطالبه تاني يوم جابت مامته وتنين إخوتها بنات حوالي 18 20 سنه وأخوها ولد حولي 12 سنه واستنو بنتي وهي خرجه من المدرسه والام كان معاها في كيس اتنين عصيان وخدو بنتي غدر هما الخمسه وضربوها بلعصيان وعوروها في وشها وقطعولها شعرها وعضوها في ايديها حاولو بعض الأهالي يحوشو بنتي من أيديهم مقدروش عليهم لحد ما بنتي أغمي عليها واحد الأهالي طلب الإسعاف خدت بنتي علي مستشفى الهرم انا بناشد كل المسؤلين حق بنتي يرجع وانا واثقه اني القضاء عادل ويجبلي حق بنتي لان بنتي اتبهدلت واتهانت في الشارع وانا عملت محضر فى قسم الطالبية بس بنتى تعبانة جدا جسديا من ضرب العصيان ونفسيا من الإهانة اللى هى شافتها
