تدل علي الالتزام والصرامه علي تطبق القانون مهما كان الامر ….
في اول اسبوع لي في سويسرا بازل – وبعد استلامي الاقامة (B) ، مديري في ذلك الوقت عزمني علي العشاء و بما اني متعود علي ركوب القطارات قبل الاقامه هناك – مكنتش بفكر كتير ، عارف بقي كل حاجه !!!
قطعت تذكره القطار من بازل المدينه الي قريه من القري الجميله هناك !!
بالطبع طلبت تذكره درجه تانيه ، لان ٩٩٪ من الناس متعوده علي هذه الدرجه لان لا يوجد فرق كبير بين الدرجتين !!
المهم – اخذت التذكره ، و اتجهت الي القطار المنشود … كل الي عملته ، دخلت في التوقيت الصح و في القطار الصح !!
اول ما دخلت ، اتجهت الي اليمين وقعت علي اول كرسي ….
شويه كده … وناظر القطار قادم للتفتيش .. انا بقول لنفسي تمام , متعود علي كده … سالني تذكرتك ، اديته التذكره !! طلب البطاقه / الباسبور و ال الاقامه !!!
لغايه دلوقتي مافيش مشكله !!!
ابتدي يكتب حاجه و يبص لي و يكتب .. بسال ؟
هو في ايه !؟
ابتدئ يشرح لي !! عندك مخالفةب ١٥٠ فرانك !!
انا بقي واثق من نفسي جدا !! ليه فيه ايه !!
انا معي تذكره و كل حاجه تمام !!
نظر لي بعتاب ، وقالي ، انت قاعد درجه اولي يافندم !!!!
بصيت و قلت درجه اولي !! فين الاولي ديه !؟
قالي انت مش شايف يوجد غطاء اعلي الكرسي !!!
المهم – عملت ذي اي حد في الموقف ده ! ، بقوله اسف !! انا دخلت خطأً ، و مختش بالي !!
وانا لسه مكملتش اسبوع في سويسرا ، و بالتالي لم اعرف القوانين و الالتزامات كلها !!!
عموما انا اسف مره اخري ، و بقول له خلاص انا رايح الي الدرجه التانيه – اللي هي تبعد ولله عن مكاني ٢ متر بالكتير الفرق باب فقط !!!!
رد علي قالي ، رايح فين ، ادفع الاول الغرامه !
انا بقي بقوله غرامه ايه !!
ده كان سوء تقدير مني ، و بعدين انا بقالي في القطار مش اكتر من ١٥ دقيقة….
رد علي وقالي ، ادفع و بعدين انت حر !!!
استخدمت مصريتي بقي و ناصح !!! – بداءت اقترح عليه ، خلاص هدفع الفرق بين التذكرتين…. و كل واحد يروح لحاله!!!
ابتدئ يحكيلي علي ملصق العين الصفراء و العين الحمراء الموجوده علي باب القطار من الخارج!!
وان كل واحد من الملصقات له معني و مغذي !!!؟
وان الملصق الاصفر علي حظي !!!
يفيد بان هذا القطار لا يوجد به ناظر قطار ، و ان في حاله عدم وجود تذكره مسبقه قبل الركوب او اي مخالفه من نوعها بداخله ، يلزم دفع الغرامه علي الفور و الا تحول الي المحاكمه !!!
مصريتي برضوه لازلت تحاول !!! ابتديت استخدم بعض العواطف… قولت له من فضلك انا لسه واصل هذه البلد و لم اتعرف علي جميع القوانين و منها بالطبع الملصق الاصفر و الاحمر و خلافه ….!
تعتقد ، ان اي او كل المحاولات ده اثرت فيه !!
ولا اي حاجه خالص !!! – لازال عاوز الغرامه و تدفع فورا !!!!
المهم دفعت ….
سالته ؟ انت ليه بتعمل كده و وعندك اصرار ، بالرغم انت عارف انا لم اعرف بعد علي كل الالتزامات و القوانين هنا ، انا فقط هنا في بازل من ٣-٤ ايام!!
رد علي ب كلمه قويه قوي …
رد فعلي العنيف ده ، انت مش هاتنساه خالص طول اقامتك هنا و ممكن واكيد هتقوله الي الاخرين ، و بالتالي انا كده بحافظ علي فلوس بلدي في عدم تكرار هذا الحدث مره اخري – و ده من مهام و ظيفتي و واكل عيشي !!
( كله ده و تذكرتي معاي و كل شيء تمام ، غلطتي الكبري قعدت بالخطأ في درجه اول!!)
لازالت سويسرا تعطي دروس علي الانضباط و الالتزام في شتي امور الحياه مش بس ده !!!
