هو ليه بيراميدز دائماً بيسبق النادي الأهلي بخطوه في أى صفقة…
لو تاخد بالك النادي الأهلي كان بيفاوض محمود مرعي و محمد رضا بوبو وانت تجاهلت وبقوا متواجدين في بيراميدز.
أحمد عاطف قطه وزيكو وعبدالرحمن مجدي وزلاكا وبرده بقوا متواجدين في بيراميدز ، وقبلهم كريم حافظ.
وفي التوقيت الحالي دخل علطول في حامد حمدان خلص اللاعب بالرغم من إن النادي الأهلي كان مخلص معاه كل حاجة.
الإجابة بسيطة وهي إن في موضوع الصفقات مفيش خطه ولا استراتيجية مشيين بيها والكلام ده من زمان ، كلها ماشيه بعنجهيه.
واللي يأكدلك كلامي وهو هل النادي الأهلي مخلص صفقاته ومنتظر يناير عشان يعلن ، الاجابه لا طبعاً والغريب اللي بيحصل كل موسم اني أستنى يناير ونبدا أشوف واتفاوض !!!
ولما ملاقيش أشوف بقا وكلاء يعرضوا عليا لعيبه.
لازم يتم تعيين تيم اسكاوتنج محترم من الميديا تقدر طوال الموسم تكون عامل استراتيجية تقدر تتابع لعيبه وتتواصل معاها ولو عندك احتياجات تتفاوض معاهم وأول ما يتم فتح باب الانتقالات تعلن عن الصفقات.
لكن اللي بيحصل في الوقت الحالي هو إن النادي الأهلي بيسمع عن لاعب نادي قريب لينا بيفاوضه ، نبدأ نتكلم معاه ونفاوضه.
طيب ده يعقل نادي بحجم النادي الأهلي مش عارف ياخد باله من لاعب مش معروف ويكون انت من رؤيتك ليه ومتابعتك ليه شايفه كويس زي ما بيراميدز شاف الشيبي و فيستون ماييلي.
وحتى لو لقينا لاعب كويس حد اتكلم عنه على الميديا بالفعل النادي الأهلي بيبدأ يتكلم معاه بيكون فيه تباطؤ شديد جداً في المفاوضات.
أنا حضرت تفاوض النادي الأهلي مع دياباتي بالتفاصيل كم من البطء الرهيب في التفاوض مع اللاعب حاجة مقرفة ، حامد حمدان وكيل اللاعب مستنيك وعملي فيها راكب حصان وشايف نفسك على الناس مفكر معاك كروس في نص الملعب وجايب حامد حمدان ده استبن ، مبسوط اهو راح بيراميدز.
وعلفكرا كانت ماشيه كده مع أى صفقة خدها بيراميدز في بطء من النادي الأهلي و بيراميدز بيخش يخلص.
طيب أنت شايف بنفسك انت محتاج تطلع لعيبه من عندك لإنهم عفا عليهم الزمن وممكن نعدهم علي أيدينا اكتر من 8 لعيبه ، طيب هتجيب مكانهم منين ، هتيجي نبص على بيراميدز هتلاقيه خد كريزه اللعيبه والباقي المتواجد في باقي الأندية شبه بعض.
المفروض دلوقتي يكون فيه ناس محترمه تعرف تشوف اللعيبه اللي ممكن يجيي منها ( سواء في الدوري أو المحترفين ) ، قبل أى حد وتجيبه بسرعه قبل ما حد يدخل معاك في اللاعب ويرفع عليك القيمه الشرائية ليه.
وبالنسبة للعيبه أو اشباه اللعيبه اللي موجوده عندنا دي نبدأ نصفيهم واحده واحده على كذا فترة انتقالات وتغير تغيير جذري للعيبه اللي عندك دي ونحس اللي موجود على الدكه زيه زي اللي في الملعب ، مش اللي في الملعب سوبر
