صفقتين مجانا للاهلي

صفقتين مجانا للاهلي

كتب: احمدعبدالنبي

بتاريخ:23/12/2025

 صفقتيـن ببلاش أهم

ماتش المحلة دا تجربة عظيمة، شكرا يِس توروب علي المجهود والجدية، الراجل كان ممكن يطنش ويروح إجازة في رأس السنة

لكنه صمم أنه يكون موجود مع الاهلي ويشوف الشباب بنفسه ويحكم عليهم كويس… الأهلي حاليـا لأول مرة من فترة كبيـرة عنده قماشة ممتازة في قطاع الناشئين..

الثنائي اللي امامك دا، ابراهيم الاسيوطي باك يمين، ممتاز ك دريبل وجرأة وكسر ضغط، لكن دفاعيا لسة محتاج شغل، تحسه اقرب لوينج باك.. لكن عادي مع الوقت يظبط دا، افضل من عمر كمال مليون مرة، لازم يكمل مع الفريق الأول،

وإبراهيم عادل ارتكاز وسط.. عينه ممتازة عالكورة، لكن لازم يكون جريء اكتر في الباص العمودي

ابراهيم الاسيوطي – ابراهيم عادل – ابراهيم كاظم ، ما شاء الله في اتوبيس ابراهيم ومعاهم عمر معوض، دول الأفضل، ومعاهم الأخيـن ( معاذ عطية مدافع – بلال عطية مركز 10 )