"منين بيودى على فين " بقلم سمر يوسف الثوابت دايمًا ليها منطق… ليها جذر… اتخلقت علشان تحمى علاقة أو تحفظ قيمة أو تنظّم حياة. حتى لو حد اختلف معاها، ليها معنى ومدلول وأصول إنما الأعراف دى اتولدت من الخوف… خوف إن حد يقول علينا كلمة خوف نِبان مختلفين خوف ننحرف عن الصف even لو الصف أصلاً ماشى غلط. الثوابت بتبنيك وبتشكِّلك الأعراف ساعات بتهدّك وتخليك مالكش شكل ولا هويَّة الثوابت بتقولك: "اثبُت على الحق." الأعراف بتقولك: "اثبُت عشان الناس ما تقولش علينا حاجة وعلى فكرة… أسوأ أنواع القيود هى اللى إحنا لبسناها لنفسنا ومفتكرين إن دى قوانين سماوية… وهى فى الحقيقة مجرد "عادات" أو "موروثات قديمة" محدّش فاكر حتى اتعملت ليه. النضج الحقيقي لما نقعد مع نفسنا ونفصل: إيه اللى ربَّانا عليه ضميرنا… وإيه اللى ربَّانا عليه الخوف من المجتمع. ساعتها بس… نعرف مين هيكمّل معانا طريقنا، ومين لازم نقوله: "شكرًا… لحد هنا." 𝓢𝓪𝓶𝓪𝓻 𝓨𝓸𝓾𝓼𝓼𝓮𝓯 ツ
