حب عمري شعر /حسني السباعي
حب عمري وماأنسهاش
مهما عمري راح وعدى
طول ما عمري ماانتهاش
قلبي مليان بالمودة
قلبي منها ما إرتواش
حب عمري وماأنساهاش
***********************************************************
حبي ليها هوا هوا
لأ صحيح والله أكتر
كل يوم بأعرف قيمتها
وحبها عمال بيكبر
وقلبي ليها عمره عاش
حب عمري وماأنساهاش
***********************************************************
قلبي مليان بالمشاعر
عمري ليها ما ح أقدر أنسى
عمري كله بيها شاعر
مهما هيا عليا تقسى
عمري بعدها راح بلاش
حب عمري وماأنساهاش
***********************************************************
مهما ح تبيع ح أشتريها
قلبي مولود بين إيديها
مهما أحاول إني أبعد
قلبي ح ينادي عليها
وقلبها دايما ماجاش
حب عمري وماأنساهاش
***********************************************************
رايح أعيش على ذكرياتها
قلبي عاشق لحكاياتها
مهما كان بينا مسافة
نفسي أكون تاني ف حياتها
مهما كان مايهمهاش
حب عمري وماأنساهاش
***********************************************************
نفسي أكون تاني حبيبها
عمري ما ف يوم رايح أسيبها
بحلم إني ف يوم أشوفها
نفسي أكون يوم من نصيبها
والنصيب لسة ماجاش
حب عمري وماأنسهاش
***********************************************************
هيا تأمر وقلبي راضي
حبي ليها ما كانشي عادي
رايح أعيش ع الحلم وأفضل
إن قلبها يوم ينادي
بس لسة ماناداش
حب عمري وماأنسهاش
**********************************************************
نفسي بس ف يوم تسامح
نفسي أشبع م الملامح
إللي راسمها ف خيالي
عمري ضاع ف البعد عنها
بعدها للقلب جارح
وقلبها إللي ما انكاواش
حب عمري وماأنساهاش
*******************************************************
صوتهابيرن ف وداني
هيا مخلوقة عشاني
قلبها طيب ملايكي
نفسي أرجع ليها تاني
والعتاب ما يخصناش
حب عمري وماأنسهاش
************************************************************
نفسي ترجع تحتويني
تشيل في همي وتراضيني
الحياة من غيرها صعبة
نفسي لو في يوم تجيني
صفحة بيضة مفيش نقاش
حب عمري وماأنساهاش
***********************************************************
لسة عندي أمل في بكرة
وإللي فات راح يبقى ذكرى
بكرة ننسى عذابنا كله
وتتولد جوانا فكرة
وإللي بينا ما إبتداش
حب عمري وماأنساهاش
