احمد عدوي يكتب .. القلم سلاح.. والسلاح أمانة
في زمن بقت فيه الكلمة توصل أسرع من الرصاصة، بقى للقلم دور أخطر وأقوى من أي وقت فات.
القلم مش مجرد حبر على ورق، ولا بوست على فيسبوك، ولا خبر بيتنشر وخلاص.. القلم أمانة، والكلمة مسؤولية، واللي يكتب لازم يعرف إن كل حرف ممكن يبني إنسان أو يهدمه.
القلم سلاح..
يقدر يدافع عن المظلوم، ويوصل صوت الغلابة، ويكشف الفساد، وينصر الحق.
وفي نفس الوقت ممكن يتحول لأداة ظلم لو استخدم في التشهير، أو نشر الفتن، أو تصفية الحسابات الشخصية.
الصحافة الحقيقية عمرها ما كانت سبوبة، ولا وسيلة للابتزاز أو الترند الرخيص.
الصحافة رسالة، هدفها توعية الناس ونقل الحقيقة بكل أمانة واحترام.
ومن هنا بتأكد إن الكلمة الصادقة هتفضل أقوى من أي شائعة، وإن القلم الشريف عمره ما يخاف طالما بيقف في صف الحق.
