الفلوس شعر/حسني السباعي الفلوس مش كل حاجة رغم إنها شيء مهم عمرها ما تجيب سعادة أو تخفف أي هم صحة الإنسان دي كنز هيا دي طبعا أهم زوجة صالحة وابن فالح دولا فعلا أحلى جاه صاحبك اللي يخاف عليك وتلقى عنده طوق نجاة دعوة من أبوك عشانك ثروة لو تاخد رضاه أو أخوك إللي في ضهرك وأنت واللي معاك فداه بينكوا أحلى ذكريات عشتها دايما معاه الفلوس دايما وسيلة وعمرها ما تبقى غاية عمرها ماتبقى هدفي أو ح تفرق يوم معايا رغم إن ناس كتيرة حلمها دا من البداية إللي يبيع ناسه وأهله كله علشان الفلوس وإللي يخون شعبه ووطنه وعلى كل الناس يدوس هيا دي أسوء حكاية هيا دي بداية النهاية أوعى تفتكر الفلوس راح تجيبلك صحة ضاعت أو ترجع ناس خانوك وليك في وسط السكة باعت الفلوس تعمل حاجات بس دي مش معجزات الفلوس بتروح وتيجي عمرها ما تزيل آهات عمرها ماتداوي جرح أو تكون سبب في فرح الفلوس حلم الغلابة سحر مش محتاج لشرح الفلوس ليها برضو عازة في الفرح و في الجنازة بس لما تكون حلال بتساعدنا ف الجوازة الفلوس أضرارها أكتر م المزايا ياما كانت الفلوس سبب أذايا خسرتني ناس كتيرة طمعوا فيا إتمنوا ياخدوا فيا ف يوم عزايا
