الست بتبيع شعر/حسني السباعي حب مراتك بالمعقول ولأسرارك إوعى تقول بكرة ح تمسكها عليك ذلة مش على طول دي بنت أصول خلي بالك دايما من جيبك من غير قرش أكيد ح تسيبك ولا راح يوم تضحي عشانك ومهما ح تبعد مش ح تجيبك مش ح تداري عليك وتصونك دي لو تقدر تعمي عيونك ح تشوف أيام سودة معاها ربنا يبقى يا صاحبي ف عونك طبع الست إنها بتبيع وتمحي تاريخك وكله يضيع إوعى تصدق لما تقولك عايشة حياتها معاك في ربيع إوعى تصدق لما تقولك دعوة أمي وانك أحلى هدية ليا وبتشيل همي إوعى تصدق عمر الست ماليها أمان أصرخ وقول دي بتحرق دمي إوعى تآمن للنسوان ح تروح منهم في خبر كان مهما تحاول إنك ترضيها تلقى الغدر ف عينها يبان مهما سنينك طالت تروح وقلبك يبقى ذليل مجروح دول فعلاً يكفرن العشرة خبي لسانك وإوعى تبوح مهما تطول العشرة خراب وتعيش بسببها في عذاب مهما تحاول إنك تحايلها وتسترضيها وتبقوا صحاب كل تاريخك راح تمحيه واللي عملته راح تلغيه ولا عمرها ترجعلك تاني ولا قلبها من تاني تلاقيه كل الستات دول بايعين ولا عاد تفرق عشرة سنين ياما كتيير رجالة بيعانوا وإيه آخرتها مش عايشين طول عمر الست دي غدارة مهما تضحي عشانها خسارة إوعاك تندم على عشرتها فاكرة إللي بتعمله دا شطارة إنت ماجاش منك تقصير و ف مشاعرها في تغيير مهما تحاول و تفهمها مالهاش أبداً ف التبرير تخرب بيتها من أفعالها بعد سنين إيه إللي جرالها ولا في حاجة بقت تعجبها إيه كدا فجأة شقلب حالها مسكين جوزها عاشق ليها طلباتها عمال يلبيها ليل ونهار تعبان علشانها ولا حاجة أبداً تتمر فيها كله بيتحسبن ف مراته ديا مسودة كله حياته كره الدنيا بكل ما فيها بقى مجنون يحكي حكاياته
