فن
من مبادرة كل يوم شاعر التى أطلقها الشاعر حمدى حسين لشعراء العامية
من مبادرة كل يوم شاعر التى أطلقها الشاعر حمدى حسين لشعراء العامية
من مبادرة كل يوم شاعر التى أطلقها الشاعر حمدى حسين لشعراء العامية
مع الشاعر علاء عواد
صمت الليل
…..
في صمت الليل .
هتسمع صوت
يجوز قلبك
يدق بسرعه ويعاتبك
ويسكت فجأه ويقولك
صحيح عمرك مافهش كتير
ف ليه تحزن ؟
وليه شايل علي ضهرك
سنين العمر
ومين جنبك ؟
ومين سمعك ؟
ومين سابك
بتبني برج م الاوهام
صحيح شيله واتقل من جبال الكون
وكاسره الضهر وضلوعه
ونازفه من دموع العين
همووووم وبحور لاحزانك
لكن يفضل معايه سوال
بتحزن ليه ؟
وهو العمر دة اصلا باقيله ايه ؟
ده عمرك كله قدامك مافهش كتير
في صمت الليل
تشوف اشباح
بتتشعبط
وتتسنط
علي همسك
وتمسك
حلم ف دماغك ماكملتوش
تحاورها
تجاريها
تجيب العيب كدة فيها
وبردو راح تكون كداب
في صمت الليل
واحزانه
والاامه
وتوهة كبيرررررررة م الحساباات
تنام وتبات علي صدرك
حجر واعر
يحوش النبض من قلبك ساعات وساعات
ويقطع حتي انفاسك
ولو مرة بتصرخ حتي من غير صوت
ولا تسمع صدي صوتك
ياشيلة العمر
تاعبااااني
ومين يسمع بكي التاني
ماكل الناس في احزانها
ماليها الخوف .
تقولي ظروف
اقولك شوف
بتشكي للي مابيسمعش
يرد الصمت وبيصرخ
يقول سااااامع
يقول سااامع ندا قلبك
ولا سامع ولا نيله
دة صوت قلبك
يدق بسرعه ويعاتبك
ويسكت فجاه ويقولك
صحيح عمرك مافهش كتير
ولما تشوف خيال ايدك
بيتمشي علي الجدران
ويرسم صورة م الاحزان
وعدي عليها مليون عام
تشوف فيها عيون امك
وفيها الرحمه والطيبه
تشوف لما
ابوك يرجع
وبعد سنين من الغيبه
يضمك جوة في ضلوعه
يشيل الخوف
وتسمع صوت
حنان امك
في عز الوحده لو وحدك
تطبطب هي وتعاتبك
كدة تبكي ؟؟؟؟؟
بقيت رااااجل بلاش تبكي
وحتي شعرك الشايب
يعاتبك بردو هو كمان
بقيت راااااجل كدة تبكي
بلاش تبكي
وتسمع صوت عراك امك مع اخواتك
وهما بياكلوا فوق الارض
ومين نايبه دة كان اكبر
ومين اصغر ؟
ومين يخطف مناب غيره
ومين يشتم علي غيره
وابوك قاعد كدة يضحك
وامك تقطع النايب
وتديلك عشان زعلك
وهي نايبها يتوزع علي خواتك
وتضحك حتي لو ماتاكلش ..
في صمت الليل
اكيد تصحي علي صوتك يكون وحدك
تبص شمال تبص يمين
تكووووون وحدك
ولا صوت الخوات جنبك
ولا صورة ابوك جنبك
وصوت امك ..
دة كان اوهام
ياشيلة العمر
تاعباني
فاضلك كام ؟؟؟؟
وليه كل اللي حبيتهم باعوني زمان
باعوني بكام ؟
دانا قربت من همي
اقول إني انا يوسف
عليه مني سلام الله
في قلب البير رموه وحده
وكان دمعه في لحظتها
تمام دمعك
وخوفه مش علي نفسه
دة خوفه كان علي خواته
ياشيلة العمر ايه تاني
فاضلك حاجه ناسياها
ياريتك تبقي ناسياني وسيباني في حالي يوم
وصمت الليل اذا جالك
نصيحه تسيبه وتكمل عشاك بالنوم
بلا اخوه
بلا صوتهم
بلاها هموم
في صمت الليل بلاها هموم
