اللقطه اللي قدامك دي هي اكتر لقطه تزعل حقيقي في مباراة مصر و زيمبابوي في امم افريقيا !
منتخب مصر استقبل هدف من زيمبابوي في الدقيقة 20 و بعدها ب ربع ساعه بالظبط اتفاجئنا ان حسام حسن خرج امام عاشور و نزل مكانه مصطفي محمد ، طب ليه حسام حسن عمل التغيير ده في الشوط الاول ؟
المشكله بقي ان حسام حسن بعد المباراة قال انا مخرجتش امام عاشور عشان اداؤه ، لكن خرجتوا عشان كنا خسرانين و هو لسة راجع من الاصابه فالضغوط كانت هتزيد عليه !
يعني حسام حسن معملش حساب انه ممكن يستقبل هدف و يتأخر في النتيجة عادي ف كان ممكن يتفادي الموضوع ده من الاول و ميبدأش ب امام عاشور طالما شايفه مش جاهز للضغوط مع ان امام قدم شوط اول كويس جدا علي مستوي التحركات خلف الدفاع و حط نفسه في مواقف امام المرمي لكن غابت عنه اللمسه الاخيره !
قرار غريب لانك مش حاسبها كويس من البدايه و ممكن يخسرك نفسيه اللاعب نفسه ، بس الجميل في الموضوع ده ان امام خرج بهدوء شديد من غير ولا كلمه و احترم قرار المدرب ، جدع يا امام
