والدي كان في الأساس دكتور أسنان، لكن حب التمثيل جواه من وهو صغير، رغم إن جدي أصر يدخله كلية طب الأسنان.
من أكتر الأعمال اللي بحبها له فيلم الكيف، والبيضة والحجر، وكمان مسرحية مع خالص تحياتي مع الفنان عبدالمنعم مدبولي، ودي كانت نقطة فارقة جدًا في مشواره.
عمري ما أنسى رعبتي من فيلم التعويذة، لما اتفرجت عليه بالليل وأنا لوحدي، ولما قمت ماشيه في طرقة البيت لقيت بابا قدامي، وقتها خوفت جدًا.
وكمان فاكرة موقف الفنان كريم عبدالعزيز معايا، لما ماقدرتش أروح تصوير فيلم حرامية في كي جي 2 بسبب الامتحانات، لقيته بيتصل بيا عشان يعوضني عن غيابي، وده كان تصرف جميل جدًا منه.
بابا كان بيحب الضحك والهزار حتى في أصعب الأوقات، وخلاني أفتكر دايمًا معاملة الناس اللطيفة ليا في المدرسة بسببه، وكمان يوم ما رحت معاه نقدم في كورال الأطفال بالأوبرا، ولما الموسيقار سليم سحاب شافه رحب بيه جدًا.
بابا اتجوز ماما زميلته في كلية طب الأسنان بعد قصة حب جميلة، وخلفونا أنا وأحمد أخويا ، وما اتجوزش غيرها.
بابا سايب لينا حب كبير عند الناس، وذكريات مش ممكن تتنسي.”
