من مبادرة كل يوم شاعر التى أطلقها الشاعر حمدى حسين لشعراء العامية المصرية

من مبادرة كل يوم شاعر التى أطلقها الشاعر حمدى حسين لشعراء العامية المصرية

الشاعر محمد عبدالعزيز

خَط رأسىِ

أنَا نِفسى اكوُن فِ الشِعر أوِّل مُخترِع

يصنَع قصَايد مِن خيَال مَجنُون …

قصِيدَة أُنثىَ جِسمهَا مُش عَوّْرَة

قصِيدَة ثوّْرَة تحَرَّر المَسجُون

و كُل طِير حَاوِل يطِير بجنَاح

و جنَاحهُ فِكرَة مِش مُجرِّد رِيش

الرِيش وَسيلَة و النجُوم هَدَفىِ …

و الليِل معَانَا و الكَلام بِشوِيش

هَدَفىِ النجُوم .. عَارفَة لِيه يَاحَبيبتىِ ؟

هَدَفىِ النجُوم .. تِبقىَ لنَا عُقد و تَاج

العُقد لِيكى تِلبسيهِ يَاحَبيبتىِ

و التَاج لِـ عقلىِ اللىِ شَت و هَاج

سَاعِة مَاشَاف النوُر مَا بَان تحتِك

سَاطِع بيضْوِىِ فِ الفضَا وَهَّاج

ألوانهُ سَايحَة فِ لوُحَة مُتدَاخلَة

فِيهَا السمَا وِ البَحر … و العصَافير

و الشمس طالعَة مِن ورَا النخلَة

رِجليكىِ نخلَة بِتِسبَق المَشاوِير

بِتخطىِ ليهِ مِن فوُق عَتَب شَفَّاف

عَتب سلالِم طالعَة بيكىِ لـ فوُق …

عَند اللىِ كان .. مِن كُل شِىء بيّخَاف

عَند الهوىَ عَند الحَنِين و الشوُق

هَــ تلاقىِ عَيِّل شَكلهُ يشبِهنىِ

نَفس الشفَايف .. نَفس نَفس العِين

عَيِّل مَعَفرَّت .. إنسىِ عَلىَ جنِّى ..

عَايز يقوُلِّك كِلمتِين حِلوين

كِلمِة بَحبِّك .. و العيوُن شاهدَة

و كِلمَة تانيَة تِكسَر المَألوُف

و نعَدِّى بيهَا فوُق حرُوف وَالعَة

كَانِت قصَايد مِن عِيدان الخوُف

الخوُف عَليكىِ و انتِ بتخَطّىِ …

كُل الخطوُط الحمرَا و الأعرَاف

الناس بِتعشَق كُل شِىء ( أُفقىِ )

و ( الرأسىِ ) يِقلِق و الضَمِير خوَّاف

…………

*******

دَبدُوب أَحمر

………..

مين اللِّى دَاب .. دُوبى أنَا ..

ف عينيك يَامَحبُوبى أنَا ..

كان أَخرةْ الحُب الجميل ..

تِرمِي لِى دَبدُوبى أنا ..

كان ذنبُه إِيه دَبدُوبى تِرمِيه عَ الَبلَاط

مُش دَة اللِّى كُنتِ جَايبَاهُولِى هدية ف العِيد اللِّى فَات

مُش دَة اللِّى كَان رَمز المَحبَة والمَشَاعِر والدَّفَا

وبلُونُه الاحّمَر صَحَّى فينا حَاجات كِتيرة و ذكرَيَات

عَارفه انتِ لَوُ .. قَربتى مِنُه .. هَتلاَقِيه برغم السُكَات ..

وبرغم إنْ .. عِينيه إِزَاز ..

هَتلاَقِى فِيهُم دمّعتين عَلىَ ناس عُزَاز

حِلوين .. لُذَاذ ..

هَانت عَليهُم عِشْرِتُه .. رَاميينُه بالليل عَ البَلاط ..

دَبدُوبى هَيمُوت مِ العِياط ..

وان مَات هَيبقىَ ذَنبُه ف رقَبتِك .. حَرام

وحياة عِينيكى الطيبة .. صَالْحِيه قَوام ..

دَة برَغمْ إِنُه مَحْشِى قُ

طن .. الحُضن مِنُه بألف حُضن ..

مُشتَاق لقلبِك يُحْضُنه يمكن ينَام